Isang gurlis sa lalim ng pananampalatayang
'di masukat ang lawig ng silbi
sa isipang tumugo't dili
sa panghihimok ng musika,
ng balarila, ng metapora
maging sa sining ng pagpapasya.
Maingat na iwasiwas ang alabok
na marubdob na humahalik sa alaala-
munting mantsa na saksi
sa malimit na pagliligpit,
pagbitak at manaka-nakang pagsusumiksik.
Ano pa't nawika:
luoy na ang dahon,
at 'di na nais pang 'patirapa
sa pabago-bagong panahon.
(ang init ng panahon. tula pa.)
No comments:
Post a Comment